医学博士でもあって宣教師でもある人が、ペッテルハイム、波之上ぬ眼鏡でぃちょーる人て。
あぬ人がめんそーやーいよ、沖縄や仏教ぬる多さぐとぅ、あんさーいうぬキリスト教え込むために、何処んくぃ歩ちぇーるふーじ。
あんさーい、宇座ぬ字んかいめんそーちゃんでぃよ。なー、今ぬ言るんしぇー区長、あぬ宇座掟でぃちて、掟んち今ぬ区長さんやさ。うぬ人ぉ御供して、何処んくぃ歩ちぇーるふーじ。なー暑さぬよ水欲しくなてーるばーて。
あんさーい、「何処がら良い美味さ水ぬ在ん所ぉ無んがやー、水欲さんでー」でぃちさぐとぅ、「此処ぬ水ぇ美味さいびんどーさい」んちうさぎたぐとぅよ、「ワーラー、ワーラー」んちてー。あんし、「うり何処から出じーが」でぃち聞ちぇーみしぇーるふーじ。
あんさぐとぅ、宇座掟ぇなー言葉ぁ分からんるあぐとぅ、「何処からうぬ水ぇ出じーが」んちゃぐとぅ。あんさ、「クチャ、クチャぬ中から」でぃち、言ちゃぐとぅ。
あんすぐとぅ、うぬ通訳ん大概ぬーぐゎーやてーんて。「ンチャ」んでぃ言ちぇーるばーてー、「土ぬ中から出じーんでぃ、言んでー」でぃち、通訳ぉありさぐとぅ。あんさ、「ワーラー」とぅ「ンチャ」とぅ入りやーいよ、「ワーラー、ンチャ、ワーラーンチャ」でぃち、うぬべッテルハイムが言ちゃぐとぅ、今ちきてぃワランチャガーなとーんばーよ。
あんさーいや、うぬ水ぇちゃー流りひてぃるやぐとぅ、ちょーどぅ瀬名波ガーとー同ぬむん、ちゃー流りーるやぐとぅて。あんさーい、「うぬ水ぇ何処んかい流りてぃ行いが」んちさぐとぅ。また、其処ぁ近さるあぐとぅ、其処までーちけーち行ぢぇーるふーじ。
あんさぐとぅ、「いっぺー涼りーびんどーさい。冷る風ぐゎーぬ来っ上等やいびんどー。中んかい入みしぇーみ」でぃちゃぐとぅよ。あんさぐとぅなー、ペッテルハイムぉてー、ハブぬ出じーがすらー分からんむでぃ、ハブんかい喰りーねーちゃーすがんちてー、「スネークカマレル」んでぃ言ちぇーぬふーじ。
あんさぐとぅ、「何んでぃ言みしぇーが、今ぁ」んち、また通訳んかい聞ちゃぐとぅやー、「スネークガマんでぃる言やびんでー」でぃち。スネークカマレル（ヘビに咬まれる）んでぃる言ちょーぬしじやしがやよー。通訳ぉ「スネークガマんでぃる言やびんでー」でぃちさぐとぅ、今ちきてぃスネークガマなとーんばー。
医学博士で宣教師でもあった、ペッテルハイムは波之上ぬ眼鏡と呼ばれていた。
その人が沖縄にいらして、沖縄は仏教が多いから、キリスト教の布教のためにあちこち回っていたようだ。
そうして、宇座に来られたそうだね。そこで、宇座掟、今で言う区長さんだがね。その宇座掟がペッテルハイムの御供をして、あちこち案内したようだ。そしたら、もう暑くて水が欲しくなったんだろうね。
それで、「どこかに美味しい水はないかな、水が飲みたいな」と言われたので、「ここの水は美味しいですよ」と差し上げたら、「ワーラー、ワーラー」と言ったんだって。そして、「これはどこから湧き出ているのか」と聞かれたようだ。
宇座掟はもう言葉は分からないんだから、「どこから湧き出ているのか」と聞かれて困ってしまった。それで、「クチャ、クチャの中から」と言った。
たぶん通訳もいい加減だったんでしょうね。通訳は「ンチャ」と言ったんだって。「土の中から出ていると言っています」と訳してしまった。それで、「ワーラー」と「ンチャ」をつないで、「ワーラー、ンチャ、ワーラーンチャ」と、そのペッテルハイムが言ったので、その時からその井泉はワランチャガーと呼ばれているんだよ。
それから、その水は瀬名波ガーと同じようにずっと流れ出ているのでね。そこで、ペッテルハイムが、「その水はどこへ流れているのか」と尋ねた。近い場所だったので、そこまで案内したらしい。
そこで、「とても涼しいですよ。冷たい風が気持ち良いですよ、中に入りますか」と誘った。そしたらもう、ペッテルハイムはハブが出てくるかもしれない、ハブにでも咬まれたらどうしようと思って、「スネークカマレル」と言ったようだ。
それで、「今、何とおっしゃったんだ」と通訳に聞くと、「スネークガマとおっしゃっていますよ」と訳した。ペッテルハイムはスネークカマレル（ヘビに咬まれる）と言っているのに、通訳は「スネークガマとおっしゃっていますよ」と言ったので、今でも、スネークガマと呼ばれているんだ。
